النهاردة هنتكلم عن موضوع جديد على المواقع العربية في موقع افلييت 123 عربي وهو شرح الاشتراك بالتفصيل فى فايفر افلييت fiverr affiliate مع استراتيجية ربح عموله فى خلال اسبوع اكثر من 380 دولار للمبتدئينسيكون ذلك عن طريق التسويق لمنتجات موقع فايفر والربح من خلال تسويق تلك المنتجات بدون ما تكون مقدم لتلك الخدمات
- معني موقع ( فايفر – Fiverr )
- فوائد موقع فايفر
- ازاى تكون مسوق لخدمات فايفر وتربح بداية من 15 دولار لـ 150 دولار على الخدمه الواحده
- تفعيل حسابك فى fiverraffiliates
- كيفية استلام الارباح
- الربح من موقع فايفر
- استراتيجيه التسويق لمختلف خدمات اقسام الموقع
فى البداية هنبدأ معاكم بنبذه صغيره عن موقع خدمات فايفر لو أول مرة تسمع عنه
موقع فايفر يعتبر مش اشهر مواقع التسويق الالكتروني على العالم لترويج الخدمات الصغيره وبيوفر فرصه بيع مختلف انواع خدمات التسويق الالكتروني وشرائها ومختلف الخدمات اللى موجوده عليه سريعه التنفيذ لا يتجاوز وقت تنفيذها فى اغلب الاحيان 72 ساعة وده اللى بيميز موقع فايفر عن المواقع الشهيره الاخري زي upwork.com او freelance.com واكيد بردوا تسمع عن موقع خمسات دوت كوم وده يعتبر الشبيه لموقع فايفر بالغة العربية لكن موقع خمسات لبيع وشراء الخدمات المصغره بيتم ادارته من فريق عمل عربي
ماهي اهم فوائد موقع فايفر ؟
- موجود عليه عدد كبير جدا جدا من الخدمات بمختلف انواعها فى كل المجالات
- بيتيح ليك انك تقدر تعرف داخل صفحة كل بائع الخدمات اللي بيقدمها فى الموقع
- بيتيح ليك انك تقدر تعرف تقييم الناس اللى اشتروا اي خدمه من اي بائع
- بيتيح ليك انك تسترد فلوسك لو البائع ملتزمش معاك بأي بند فى بنود تقديم الخدمة
- بيوضح ليك وقت تسليم الخدمه من قبل شراءها ياعنى لو حبيت تعمل لوجو وعايز تستلمه فى خلال 24 ساعه بيتم توضيح ده ليك قبل ما تشتري
- البائع اللى بيقدم خدمه على الموقع بيقدر يحصل على مستحقاته المالية بسهوله بدون ما ينتظر فاتوره شهريه
- الموقع بيتيح للبائع حريه انه يقدر يوقف اي خدمه بيقدمها فى اى وقت وممكن يرجعها تانى فى اي وقت
كل دي فوائد مهمه جدا بتيح لمقدمي الخدمات انهم يتنافسوا على تقديم مزيد من الخدمات باسعار منافسه
بالتالي يعتبر الموقع هو رقم 1 على العالم فى تقديم الخدمات وهيكون سهل عليك لما تسوق عليه اي خدمه علشان تكسب عموله عن كل شخص جديد يقوم بشراء اي خدمه داخل الموقع
وده هدفنا من الموضوع انك تلاقي الشخص المهتم باي خدمه على الموقع ويقوم بالتسجيل وشراء تلك الخدمه
ممكن تكون اتعرفت من قبل على انك تقدر تقدم خدمه فى فايفر وتكسب من خلالها لو حد اشتري الخدمه
لكن النهاردة هنتكلم على انك تقدر تسوق لكل منتجات الموقع بشكل كامل
وتكسب عموله مقابل ان اي شخص يشتري الخدمه من خلال رابط الافيلييت الخاص بيك تصل لـ 150 دولار !
وده الحد الاقصي اللى فايفر بتقدمه لاي حد يعمل مسوق لخدماتها من خلال منصتها الرسميه
والحد الادني هو 15 دولار وهنتكلم بالتفصيل عن العموله الخاصه بجميع الاقسام الموجوده فى الموقع
دلوقتى هندخل مباشرة فى شرح التسجيل كمسوق و الربح من فايفر افلييت fiverr affiliate وبعد الشرح هعرفك كل قسم بيقدملك عموله كام على الخدمات الموجوده بيه لان معروف ان موقع فايفر فيه خدمات متنوعه كثيره وبالتالي الموقع بيقدملك عمولات بتختلف سعرها على حسب الاقسام بتبدأ معاك من 15 دولار وتوصل لحد 150 دولار
اولا هتدخل على اللينك التالي للتسجيل فى فايفر كمسوق لخدماتها
تابعو معايا الشرح بالصور …
اضغط على الصوره التاليه للتقديم
هيظهر ليك الصفحة التالي هتقوم بالضغط على Start Earning Now
فى الخطوه التاليه هتقوم بالاتي بالترتيب
- هتختار من القائمه نوع الحساب Private
- هدخل اسمك الاول
- هدخل اسمك الثاني
- الايميل الخاص بيك “يجب ان يكون صحيح” علشان هتوصلك عليه رساله التفعيل
- اسم دخولك على الموقع “username”
- الباسورد
- قم باعاده ادخال الباسورد مرة اخري
- الدوله
- رقم هاتف
- حساب سكاي بي ” لو معندكش حساب سكاي سيبها فاضيه “
ثم قم بالضغط على Next
فى الخطوه التاليه الموقع بيقولك عرفني بنفسك اكتر وايه هي الطرق اللى هتتبعها لتسويق منتجاتنا
هو بيقدملك اكثر من اختيار هتقوم بتحديد الاختيارات اللى حضرتك هتقوم بالتسويق من خلالها
يفضل تختار فى الخانه دي منصه فيسبوك وانستجرام ويوتيوب ومحتوي المواقع لان دي الطرق اللى هنتبعها بالفعل فى تسويق الخدمات على الموقع
وهنا انت بتعرف الموقع انك معندكش مشكله تسوق جميع الخدمات بالموقع فايفر افلييت fiverr affiliate فى مختلف الاقسام
بعد الضغط على Register Now هتظهر ليك الرساله التانى ومعناها انك قمت بنجاح بالتسجيل
دلوقتى هتقوم بفتح الايميل اللى سجلت بيه على الموقع هتوصلك نفس الرساله التاليه وده التاكيد ان الموقع وافق على انضمامك كمسوق لخدماته
والموقع عاده يقبل اشتراكك مباشرة ولا يحتاج لعده ايام مثل مواقع الافيلييت الاخري
بعد الضغط على Start Affiliating هيدخلك للوحه تسجيل الدخول هتقوم بكتابه اليوزر نيم والباسورد الخاص بيك اللى عملناهم فى تانى خطوه
دي لوحه التحكم الخاصه بالموقع
زي ما انتو ملاحظين كل قسم عليه عموله مختلفه بتبدأ معاك من 15 دولار وبتوصل لحد 150 دولار
الخطوه التاليه هنقوم بتقديم معلومات الدفع الخاصه بيك فى الموقع لاستقبال فلوسك كل شهر بعد وصولك للحد الادني للدفع وهو 100 دولار
اولا هتقوم بالضغط على Account Details
ثم Payment Details
هتختار حساب باي بال وتكتب ايميلك الخاص على باي بال
او هتختار بايونير وتكتب Id الخاص بيك على موقع بايونير واسمك ايضا
* يرجي العلم ان لو حبيت الموقع يحول الفلوس على موقع باي بال فى ميعاد الدفع هيتم التحويل اوتوماتيك
اما لو لو اخترت بايونير هيطلب منك الموقع قبل عمليه التحويل بيوم انك تربط لينك معين هيبعتهولك على ايميلك بحسابك على بايونير علشان تتم عمليه التحويل بدون مشكله لذلك فى رأي يفضل انك تربط حسابك على طول بـ باي بال
فى الخطوه التاليه وهي ازاى تقدر توصل لرابط اي قسم حابب تعمل تسويق ليه
اولا هتضعط على Marketing Tools
ثم تقوم بالضغط على Filter By Name وهنا هيظهرلك جميع اقسام الموقع اللى هي ظهر فى الخطوات السابقة جمبها كل عموله خاصه بيها مثلا انا قمت باختيار من القائمه Fiverr Pro لانها بتقدم اعلي عموله وهي 150 دولار على كل واحد يشتري
ثم تقوم بالضغط على Show Creatives
هيظهر ليك صور مختلفه وجمبها اللينك الخاص لو حابب تسوق اللينك هتقوم بعمل نسخ للرابط وتقوم بعمل حملات تسويقية سواء على جروبات الفيسبوك او انستجرام او توتير..الخ
ولو حابب تسوق مثلا داخل محتوي موقع خاص بيك او مدونه هتختار الصورة وتضغط على GET HTML CODE
هيظهرلك نفس الموجود بالصورة التالية هتاخد الرابط بالكامل نسخ وتضعه فى اى مكان بمدونتك
هنا يكون انتهينا من شرح الاشتراك فى fiverr affiliates بالتفصيل
وعاده السؤال كيف اسوق لتلك الخدمات وماهي مواعيد تحويل الارباح
بخصوص تحويل الارباح موقع فايفر افلييت fiverr affiliate يقوم بتحويل الامول بعد تخطي الحد الادني المطلوب وهو 100 دولار
اذا قمت باختيار طريقه الدفع باي بال فسوف يقوم الموقع مباشرة بتحويل الاموال على حسابك
واذا قمت باختيار وسيلة الدفع بايونير فسوف يقوم الموقع قبل نهايه الشهر بيوم اذا تخطيت الحد الادني 100 دولار بارسال رساله لك على الايميل الخاص بيك ليقوم بالربط بين حساب فايفر وحسابك على بايونير ويقوم الموقع بالدفع فى اول اسبوع من بداية الشهر مباشرة
ولكن وجب التنويه ان الموقع يقوم بالدفع خلال فتره 30 يوم
طيب انا واحد من اقربائي خليته يشتري من رابطي وكل حاجه تمام تقريبا ذلحين مرت ١٢ ساعه وما انضافت العموله في fiverr affiliate?
ردحذف