كيف تبدأ فى التجارة الالكترونية بأقل رأس مال

التخطيط للدخول فى عالم التجارة الالكترونية يحتاج الى دارسة جيدة وتحليل جيد للسوق بالطبع والان ننقل لكم تجربة احد المسوقين ونصائحه فى عالم التجارة الاكترونية وبالتحديد لكل من يفكر وليس معه الميزانيه الكبيرة 

كتب : محمد صالح 

من كام يوم كنت قاعد مع صديق بنخطط لاطلاق منتج جديد في السوق وكنا بنحسب التكاليف والميزانية المطلوبة.

سعر المنتج جملة حوالي 100ج والتارجت بيع 50 قطعة في اليوم يعني 1500 قطعة في الشهر وبحسبة بسيطة مطلوب مننا حوالي 150 الف جنية سعر المنتج ضيف عليهم مصاريف التغليف والشحن والمكالمات التليفونية والاعلانات والموديريشن والمرتجعات وصلنا تقريبا لحوالي 260 الف جنية تكلفة مبدئية ولو حصل وتم بيع كل الكمية اللي اشتريناها هنكسب تقريبا في الشهر حوالي 45 الف جنية.

يعني ال ROI او العائد علي الاستثمار حوالي 17% يعني رأس المال هيرجع بعد حوالي 6 شهور ده لو الدنيا مشيت زبادي في الخلاط ومفيش اي مشاكل حصلت.

الحل البديل بالنسبة لنا كان التسويق بالعمولة لمنتج موجود بالفعل علي اي سيستم من الموجودين بالسوق ومع افتراض بيع نفس الكمية شهريا هنحتاج فقط لمصاريف الاعلانات وعلي فرض ان قيمة العمولة 40ج ومتوسط تكلفة الاوردر في الاعلانات حوالي 20ج هنكون محتاجين لحوالي 30 الف جنية اعلانات + الموديريشن والسيستم هيوفر علينا الشحن والمتابعة مع العملاء والمرتجعات ونتحاسب بس علي الاوردرات اللي اتنفذت واتسلمت للعميل وبكدة هيكون تقريبا صافي الربح حوالي 20 الف في الشهر يعني نسبة ال ROI حوالي 66% يعني رأس المال اللي هنبدأ بيه هيرجع تقريبا بعد شهر ونص لشهرين بالكتير.

طيب السؤال هل فيه سيستمز موجودة في السوق بتسمح بالطريقة دي من الشغل؟

الاجابة اه كتير جدا موجودين بيسمحوا بالعمل بالنظام ده والدفع عندهم للمسوقين بالعمولة بيتراوح بين يوم ل 15 يوم بالكتير يعني تقدر تستلم فلوسك بالكتير اوي مرتين او 3 في الشهر وتبدأ باقل رأس مال ممكن
من الانظمة دي علي سبيل المثال:

تاجر: https://www.taager.co/
تاجرلي: https://www.tagerly.net/
انجزني: http://angazny.com/
ماركتلي: https://www.marketlii.com/
فيندور: https://aff.ven-door.com/ar
متجر: https://mttgr.com/

وغيرهم انظمة كتير جدا متشابهين في حاجات كتير ومختلفين في حاجات تانية.

المقصود من البوست أنك لو عايز تشتغل وتكسب لازم تحدد اهدافك بدقة وتوفر رأس مال ولو قليل تبدأ بيه ومش لازم تبدأ بأحسن حاجة موجودة ابدأ بأقل الامكانيات وطور نفسك واحدة واحدة لغاية ماتوصل للي نفسك فيه

المصدر : فيسبوك - محمد صالح